Ryal burgh

A Ryal Burgh is a kynd o burgh that's alanerly uised ceremonial purposes the day.

A ryal burgh is a burgh that haes been foondit bi, or efter-haund been gien a ryal chairter.

Maist ryal burghs wis sea ports, an ilkane wis aither creatit bi the croun, or upheized fae anither status, sic as burgh o barony. An important document for ilka burgh wis its burgh chairter, creatin the burgh or homologatin the richts o the burgh as setten doun (aiblins verbatim) bi an aforegaun monarch. Ilka ryal burgh (wi the exception o fower 'ineffective burghs') wis representit in the Pairlament o Scotland an coud appynt bailies wi braid pouers in ceevil an creeminal juistice. Bi 1707 there wis 70 ryal burghs.

The Ryal Burghs Act 1833 reformed the election o the toun cooncils that governed ryal burghs. Thaim that wis qualifee'd tae vote in pairlamentary elections unner the Reform Act o 1832 wis nou enteetlt tae elect burgh cooncillors.

The day the teetle is alanerly o ceremonial status, wi ryal burghs lossin their local government functions in 1975 acause o the Local Government (Scotland) Act 0 1973. Houaniver, airticle XXI o the Act o Union o 1707 that states that the richts an preevileges o the ryal burghs in Scotland as they nou are remains entire efter the Union an for aw that, is aye extant.